صحافية بالقناة الأولى تعاتب شهرزاد باطما بعد نشر جريدة احداث الساعة 24 لخبر حذف أغنية خليلي من طرف القناة الأولى خلال سهرة المجموعات.
جريدة أحداث الساعة 24//شهرزاد باطما
البارح حطيت مقال على اساس نحبس مشكل خليلي لي حيدوها من سهرة بالقناة الاولى (الدي اصبح يقين 100 في 100 ) من بعدما تعرضت اليوم لهجوم من طرف احدى الصحفيات لي دوات معايا و ناقشنا الموضوع حبيا و سلميا و واعدتها غادي نحبس الهضرة فهاد الموضوع و نحط اخر تدوينة نشرح فيها اشنوا وقع و كلشي مزيان و البارح قلت موضوع خليلي سالا و ساحسن الظن انها لم تحدف عمدا لكن حدفت لمشكل الوقت كما صرحت هده الصحفية من قبل.
ملي حبست الموضوع و طلبت السماحة من الكل اليوم اتفاجئ بكلام مغاير على ديال البارح و اسلوب هجومي اكتر لسبب ان اخد الجرائد كتبات كلام على السهرة!!!
واش انا صحفية؟
واش انا عندي شي جريدة؟
واش انا عندي الصلطة علة صحفي تقوليه اشنوا تكتب؟
من بعد هادشي كامل اليوم مبقاش عندي الشك اصبح عندي يقين بان #خليلي تحيدات عمدا اه اقولها واكررها اغنية #خليلي ل #محمد_باطما حيدوها عمدا لسبب غير البرمجة او توقيت البرنامج و اعيد السؤال للمرة المليون علاش هاد الاقصاء لمجموعة #لمشاهب خصوصا علاش هاد الظلم وهاد الاقصاء اغنية و مجموعة عتارف بها العالم الا حنا تال امتى غادي تبقى هاد الحسابات الضيقة و التنقيص في حق الرواد؟ مخداو حقهم لا فالسبعينات لا التمانينات لا التسعينات ولا بعد الموت ديالهم علاش هادشي كامل ولا حيت خاص “التخرببق” عاد تعتارفوا بيه و تصفقوا ليه؟
مغاربة العالم كيموتوا على هاد الفرقة المهمشة غير فبلادها اما (توتس.الجزائر.ليبيا.. )و اللائحة طويلة حتى في اوروبا والعالم بأسره كيشهد ليهم بانهم اساتدة وفنانة في المستوى الرفيع.
اتقوا الله فهاد الناس و الرواد راه حرام ف 2019 وباقي ولو تكريم او معلمة او مسرح باسمهم الى مكنتوش عارفين بحقهم سولوا google يجاوبكم ولا سولوا عمالقة الفن في المغرب و العالم يوريوكم اش كيسواو هاد الناس
