صلاح تابت//جريدة احداث الساعة 24
حكم المباراة ؟ هو نفس الحكم لي حكم لينا ضد كرواتيا وقدم مباراة مزيانة ، هادشي داخل فجزء من اللعبة والحكام لي فكاس العالم هو من بين الافضل المتاحين بالعالم لي كايهم هوكيفاش غانلعبو وان شاء الله نفوزو بالماتش.
* خاصكم تفهمو شنو قلت ، انا ماقلتش غادي نديو كأس العالم حتى اذا كانت هادي هي رغبة ديالنا خاصنا نحلمو الى قبتي مانقدرش نديرها كيفاش بغيتي هاد الحلم يتحقق خاص يكون عندك طموح
* كتعجبني الثقافة ديال الكرة الاسبانية التيكي تاكا الاستحواذ، رلكن تاحنا قادرين نديرو ليهم مشاكل هاد الفريق مالقيت فيه تا نقطة ضعف
* اخر ممثل للكرة الافريقية: ماعندنا ما نخسرو غادي نتقاتلو بغينا نهزو بلادو درابو دالبلاد والافارقة والعرب نتمناو يساندونا غدا
* شفت اسبانيا ف اخر 20 ماتش دايما الاستحواذ عندهم 70% كايلعبو ضد فراقي بحال فرنسا المانيا.. غادي ياخدو الكرة ضدنا هادي حاجة عارفينها لكن هادشي شفناه ضد بلجيكا وكرواتيا
* غادي يكون الامر صعيب علينا غادي نلعبو ضد افضل المنتخبات بالعالم ومرشح للفوز بكاس العالم ولكن تاحنا خاص نبينو شي حوايج، استعدينا مزيان حيث لا قصينا اسبانيا غاتكون مفاجاة.
